Umsóknir um búsetu í þjónustukjarna í Ólafsvík

10.12.2025 | Fréttir

Félags- og skólaþjónusta Snæfellinga auglýsir eftir umsóknum um búsetu í nýjum þjónustuíbúðakjarna fólks með fötlun að Ólafsbraut 62-64 í Ólafsvík.

Ein íbúð af þeim fimm sem staðsettar eru í íbúðakjarnanum er laus til úthlutunar. Íbúar þjónustukjarnans hljóta stuðningsþjónustu FSS, en stuðningsþjónusta felur í sér aðstoð og/eða leiðsögn til sjálfstæðrar búsetu í eigin íbúð.

Eldri áður innsendar umsóknir þarf að staðfesta með endurnýjuðu umsóknareyðublaði.

Umsækjendur uppfylli neðangreind skilyrði:

  • Eigi lögheimili á Snæfellsnesi
  • Eru eldri en 18 ára
  • Hafi metna þjónustuþörf í 5. flokki SIS eða hærra
  • Staðfest fötlunargreining frá Greiningar- og ráðgjafamiðstöð liggi fyrir

Umsókarfrestur er til 10. janúar 2026.

Umsóknir berist Sigurbjörgu Jóhannesdóttur, forstöðukonu þjónustuíbúðakjarna fyrir fólk með fötlun í Ólafsvík, í netfangið sigurbjorg@fssf.is eða með því að skila þeim á skrifstofu Félags- og skólaþjónustu Snæfellinga við Klettsbúð 4 á Hellissandi. 

Umsóknareyðublað má finna á vef Félags- og skólaþjónustu Snæfellinga og hér að neðan.

Nánar:

Til baka í yfirlit