Vinnuskóli

Klettsbúð 4

Sími: 433 6900

Skrifstofa vinnuskólans er hjá Tæknideild Snæfellsbæjar í Ráðhúsi Snæfellsbæjar.

Vinnuskóli Snæfellsbæjar býður unglingum bæjarins uppá skemmtilega og fræðandi sumarvinnu.

—

Upplýsingar fyrir vinnuskólann sumarið 2025

Vinnuskólinn verður starfræktur í heildina í sex vikur og er fyrir nemendur í 8. – 10. bekk og unglinga fædda árið 2008.

Nemendur sem voru að ljúka 8. bekk vinna í fjórar vikur, frá 11. júní – 9. júlí.

Nemendur sem voru að ljúka 9. og 10. bekk vinna í sex vikur, frá 11. júní – 23. júlí.

Unglingar fæddir 2008 geta einnig sótt um í vinnuskólanum og vinna þeir frá 19. maí – 30. júní.

Daglegur vinnutími

Nemendur í 8. bekk vinna frá frá kl. 8:00 – 12:00.

Nemendur í 9., 10. bekk og árgangur 2008 vinnur frá kl. 8:00 – 16:35 með hádegismat nema á föstudögum, þegar unnið er til kl. 12:00.

Laun vegna vinnuskóla 2025

Tímakaup nemenda í 8. bekk er 1.669 krónur.

Tímakaup nemenda í 9. bekk er 1.972 krónur.

Tímakaup nemenda í 10. bekk er 2.579 krónur. Unglingar fæddir 2008 eru á sama tímakaupi og nemendur í 10. bekk.

Laun eru reiknuð skv. samningi Kjalar stéttarfélags starfsmanna í almannaþjónustu.

Athugið: Nemendur sem voru að ljúka 10. bekk og unglingar í árgangi 2008 þurfa að skila rafrænum persónuafslætti og greiða í lífeyrissjóð. Iðgjöld reiknast frá næstu mánaðarmótum eftir 16 ára afmælisdag.

Orlof

13,04% orlof greiðist fyrir alla tímavinnu og er greitt út með launum.

Nemendur vinnuskóla mæta á eftirfarandi staði, fer eftir búsetu:

Ólafsvík – Áhaldahús Snæfellsbæjar
Hellissandur – rúta fer frá Grunnskólanum á Hellissandi
Rif – rúta fer frá strætóskýlinu efst í Háarifi

Reglur vinnuskólans eru einfaldar og skýrar:

Mæta skal á réttum tíma á réttum stað.
Sýna skal flokkstjórum kurteisi.
Einelti er ekki liðið.
Reykingar/notkun munntóbaks er stranglega bannað.
Notkun GSM-síma, og annarra snjalltækja, er bönnuð, enda tekur bærinn enga ábyrgð á slíkum tækjum.
Öll forföll þarf að tilkynna til verkstjóra.
Leggja þarf til allan vinnufatnað og galla en Vinnuskólinn leggur til öryggisvesti.
Ætlast er til að krakkarnir mæti með nesti (ekki leyfilegt að fara af vinnustað í pásum).
Klæðnaður skal hæfa veðri og eðli vinnunnar.

Vinnuskólinn er eingöngu ætlaður fyrir börn sem eiga lögheimili í sveitarfélaginu eða eiga foreldri með lögheimili í sveitarfélaginu.

Umsóknarfrestur er til og með 30. maí 2025.

Sótt er um starf í vinnuskólanum á þjónustuvef Snæfellsbæjar.