Íþróttir og tómstundir

Sundlaug Snæfellsbæjar

Sími: 433 - 9910

Opið:

Sundlaugin er opin frá kl. 07:30 - 21:00 á virkum dögum og frá kl. 10:00 - 17:00 um helgar.

Sundlaug Snæfellsbæjar stendur við Ennisbraut, við hlið grunnskólans, og er samföst íþróttasvæðinu við Engihlíð. Veturinn 2013-2014 stóðu yfir miklar framkvæmdir við sundlaugina, húsnæðið var lagfært, það var opnað og gert bjartara, ásamt því að skemmtilegt útisvæði með heitum pottum, vaðlaug og rennibraut var útbúið.

Börnum yngi en tíu ára er óheimilt að fara í sund nema í fylgd með syndum einstaklingi sem er fimmtán ára eða eldri. Ábyrgðarmaður tekur fulla ábyrgð á barni og fylgir því alltaf hvort sem er í lauginni eða í pottunum.

Afláttarkort gilda hvort tveggja í sundlaugina í Ólafsvík og Lýsulaugar.

Sundlaugin er opin allt árið um kring. Yfir vetrartímann er sundlaug þó lokuð á vissum tímum dags þegar skólasundið er í gangi. Sjá að neðan.

Innisundlaug er lokuð almenningi þegar skólasund og sundæfingar standa yfir. Útisvæði er alltaf opið almenningi.

Hægt er að fara í heita potta úti og vaðlaug þótt sundkennsla standi yfir.

Nánar

Lýsulaugar

Sími:

Lýsulaugar eru einstök náttúru- og grænþörungslaug í Staðarsveit með heitu ölkelduvatni sem kemur beint úr jörðu. Vatnið er mjög steinefnaríkt og talið afar hollt og græðandi auk þess sem engum efnum er bætt í það. Vatnið í lauginni sveiflast frá því að vera 24 - 35°C og mælist hátt magn af magnesíum og kalsíum í því.

Í Lýsulaugum er hægt að hvíla lúin bein og næra sál og líkama í sundlaug, heitum pottum og köldum potti með óviðjafnanlegu útsýni til Snæfellsjökuls.

Börnum yngi en tíu ára er óheimilt að fara í laugina nema í fylgd með syndum einstaklingi sem er fimmtán ára eða eldri. Ábyrgðarmaður tekur fulla ábyrgð á barni og fylgir því alltaf hvort sem er í lauginni eða í pottunum.

Gjaldskylda fellur niður við 67 ára aldur og miðast við afmælisdag. Öryrkjar eru ekki gjaldskyldir gegn framvísun á skírteini Tryggingastofnunar ríkisins.

Afsláttarkort gilda hvort tveggja í sundlaugina í Ólafsvík og Lýsulaugar.

Nánar