Íþróttir og tómstundir

Sundlaug Snæfellsbæjar

Sími: 433 - 9910

Opið:

Sundlaugin er opin frá kl. 07:30 - 21:00 á virkum dögum og frá kl. 10:00 - 17:00 um helgar.

Sundlaug Snæfellsbæjar í Ólafsvík er notalegur og fjölskylduvænn staður þar sem hægt er að njóta sunds, slökunar og samveru í fallegu umhverfi. Sundlaugin er mikilvægur hluti af íþrótta- og frístundastarfi í Snæfellsbæ og stendur íbúum og gestum til boða allt árið um kring.

Í sundlauginni er góð aðstaða fyrir fjölskyldur, einstaklinga og sundlaugargesti á öllum aldri. Þar á meðal má finna:

25 metra innilaug
Heitan pott innandyra
Kaldan pott innandyra
Glæsilega vatnsrennibraut utandyra
Vaðlaug með barnarennibraut utandyra
Heita potta utandyra
Kaldan pott utandyra
Gufubað
Infrarauða gufu

Sund, slökun og samvera

Sundlaug Snæfellsbæjar er mikilvægur samkomustaður í samfélaginu. Þar gefst fólki tækifæri til að hreyfa sig, slaka á og eiga góða stund saman. Fyrir gesti Snæfellsbæjar er sundlaugin jafnframt góður kostur eftir dag í útivist og ferðalögum um Snæfellsnes.

Við hvetjum íbúa og gesti til að nýta sér þá aðstöðu og þjónustu sem sundlaugin hefur upp á að bjóða og njóta þess sem hún hefur að geyma – hvort sem markmiðið er að taka góðan sundsprett, fá sér afslappandi stund í heita pottinum eða einfaldlega eiga notalega samverustund.

Sundkennsla

Sundlaugin sjálf er einnig nýtt fyrir sundkennslu og er því lokuð almenningi á vissum tímum yfir vetrartímann þegar kennsla stendur yfir.

Útisvæði er þó alltaf opið almenningi. Hægt er að fara í heita potta úti og vaðlaug þótt sundkennsla standi yfir.

Reglur

Athugið að börnum yngi en tíu ára er óheimilt að fara í sund nema í fylgd með syndum einstaklingi sem er fimmtán ára eða eldri. Ábyrgðarmaður tekur fulla ábyrgð á barni og fylgir því alltaf hvort sem er í lauginni eða í pottunum.
Afsláttarkort gilda hvort tveggja í sundlaugina í Ólafsvík og Lýsulaugar.

Nánar

Lýsulaugar

Sími:

Lýsulaugar eru einstök náttúru- og grænþörungslaug í Staðarsveit með heitu ölkelduvatni sem kemur beint úr jörðu. Vatnið er mjög steinefnaríkt og talið afar hollt og græðandi auk þess sem engum efnum er bætt í það. Vatnið í lauginni sveiflast frá því að vera 24 - 35°C og mælist hátt magn af magnesíum og kalsíum í því.

Í Lýsulaugum er hægt að hvíla lúin bein og næra sál og líkama í sundlaug, heitum pottum og köldum potti með óviðjafnanlegu útsýni til Snæfellsjökuls.

Börnum yngi en tíu ára er óheimilt að fara í laugina nema í fylgd með syndum einstaklingi sem er fimmtán ára eða eldri. Ábyrgðarmaður tekur fulla ábyrgð á barni og fylgir því alltaf hvort sem er í lauginni eða í pottunum.

Gjaldskylda fellur niður við 67 ára aldur og miðast við afmælisdag. Öryrkjar eru ekki gjaldskyldir gegn framvísun á skírteini Tryggingastofnunar ríkisins.

Afsláttarkort gilda hvort tveggja í sundlaugina í Ólafsvík og Lýsulaugar.

Nánar