Snæfellsbær auglýsir stöðu hafnarstjóra lausa til umsóknar
Laus er til umsóknar staða hafnarstjóra í Snæfellsbæ.
Sjávarútvegurinn er ein af mikilvægustu atvinnugreinum í Snæfellsbæ og eru reknar þrjár hafnir í bæjarfélaginu; í Ólafsvík, Rifi og á Arnarstapa. Auk þess á Hafnarsjóður Snæfellsbæjar hafnarmannvirki á Búðum og Hellnum.
Helstu verkefni og ábyrgð:
- Daglegur rekstur og stjórnun hafnanna
- Undirbúningur og gerð fjárhagsáætlana, ásamt eftirfylgni
- Umsjón með viðhaldi mannvirkja, fasteigna og tækja í eigu hafnarsjóðs
- Umsjón og eftirlit með hafnarþjónustu
- Upplýsingagjöf og eftirfylgni ákvarðana hafnarstjórnar
- Samskipti við opinbera aðila og atvinnulífið
- Umsjón og ábyrgð á starfsmannamálum hafnanna
- Umsjón og eftirlit með öllum framkvæmdum hafnanna
Menntunar- og hæfniskröfur:
- Menntun sem nýtist í starfi, s.s. viðskiptafræði
- Reynsla og þekking á stjórnun og rekstri
- Reynsla af störfum tengdum sjávarútvegi er kostur
- Þekking á hafnarmálum og atvinnulífi í Snæfellsbæ er kostur
- Samskiptahæfni og sjálfstæði í vinnubrögðum
- Leiðtogahæfni, frumkvæði og metnaður í starfi
- Góð almenn tölvukunnátta
- Góð íslensku- og enskukunnátta í ræðu og riti
Starfshlutfall er 100% og eru laun samkvæmt gildandi kjarasamningi Sambands íslenskra sveitarfélaga og viðkomandi stéttarfélags. Næsti yfirmaður hafnarstjóra er bæjarstjóri.
Sótt er um starfið á vefsíðu Hagvangs. Umsóknarfrestur er til 10. október 2025. Með umsókn skal fylgja ferilskrá og kynningarbréf.
Upplýsingar um starfið veita Geirlaug Jóhannesdóttir hjá Hagvangi (geirlaug@hagvangur.is) og Kristinn Jónasson, bæjarstjóri Snæfellsbæjar.
Nánar: