Grunnskóli Snæfellsbæjar auglýsir eftir umsjónarkennurum fyrir skólaárið 2026/2027

Grunnskóli Snæfellsbæjar auglýsir lausar til umsóknar tvær stöður umsjónarkennara á yngsta- og miðstig í fullt starf frá 1. ágúst 2026.

Grunnskóli Snæfellsbæjar er heildstæður 220 nemenda grunnskóli með þrjár starfsstöðvar, í Ólafsvík (5. - 10. bekkur), á Hellissandi (1. -4. bekkur) og á Lýsu (1. - 10. bekkur). Við skólann starfar vel menntað og hæft starfsfólk. Áhersla er lögð á einstaklingsmiðun náms og fjölbreytta kennsluhætti með það að markmiði að gera hvern einstakling tilbúinn til þátttöku í frekara námi og lýðræðissamfélagi. Skólinn leggur áherslu á átthagafræði. Allar starfstöðvar flagga Grænfána.

• Annast kennslu samkvæmt meginmarkmiðum aðalnámskrár grunnskóla með hliðsjón af þörfum og þroska nemenda.
• Hafa umsjón með daglegu skólastarfi sem tengist viðkomandi umsjónarhópi.
• Vera tengiliður umsjónarhóps innan skólans og við foreldra/forráðamenn.
• Fylgjast með velferð nemenda, hlú að þeim andlega og líkamlega í samræmi við eðli og þarfir hvers og eins svo að þeir fái notið sín sem einstaklingar.
• Taka þátt í skólaþróun í samræmi við stefnu skólans og sveitarfélagsins.

• Leyfisbréf
• Reynsla af uppeldis- og kennslustörfum.
• Hæfni í mannlegum samskiptum og góðir skipulagshæfileikar.
• Reynsla af teymisvinnu og áhugi á þróunarstarfi.
• Góð íslenskukunnátta er skilyrði.

• Starfsfólk Snæfellsbæjar á rétt á 27.500 kr. líkamsræktarstyrk á hverju ári.

Nánari upplýsingar um skólann eru á heimasíðu skólans. Laun eru samkvæmt kjarasamningi KÍ og Launanefndar sveitarfélaga.

Umsóknarfrestur til 15. maí 2026. Sótt er um starfið á ráðningarvef Snæfellsbæjar hér á heimasíðunni.

Nánari upplýsingar veitir Vilborg Lilja Stefánsdóttir, skólastjóri, í síma 433 9900 og netfanginu lilja@gsnb.is.