Umhverfis- og skipulagsnefnd

Sigríður Arngrímsdóttir hönnuður sækir fyrir hönd Karen Lien Thi Nguyen um leyfi fyrir breytingu á deiliskipulag fyrir Fellaslóð 3. Fyrirhugað er að stækka byggingarreit um 3 metra til suðurs þannig að byggingarreiturinn verði alls 11 metrar á lengd. Breidd helst óbreytt eða um 15,5 metrar. Heildar byggingarmagn fari ekki yfir 135 fm. Nýbygging skal vera í svipuðu útliti og núverandi hús með mænishæð allt að 3,5 metrum. Notkun hússins er óbreytt en húsnæðið er ætlað fyrir ferðaþjónustu með móttöku/þjónusturými og skrifstofum. Starfsemin gerir ráð fyrir 4-5 starfsmönnum og allt að 20 viðskiptavinum í biðsal þegar mest verður.

Kynnt eru drög að skilmálum vegna deiliskipulagsvinnu fyrir Rif og hluta af Hellissandi.

Bjarki Rúnar Steinsson sækir um byggingarleyfir fyrir því að klæða hús sitt að Skipholti 14 með standandi álklæðningu, síkka glugga á neðri hæð til norður ásamt því að færa glugga í stofu í suðurátt í upprunalegt horf með því að síkka þá. Einnig óskar hann eftir því að stækka svalir í vestur að lóðarmörkum og nýta þær sömuleiðis sem bílskýli.

Á 199. fundi umhverfis- og skipulagsnefndar var erindi Sigfúsar Almarssonar frestað þar til gengið hefði verið frá lóðarsamningi, afstöðumynd og nýjum aðaluppdrætti sem næði einnig yfir eldri hluta hússins. Jafnframt var bent á að viðbygging samræmist eldra húsi betur í útliti.



Lóðarleigusamningur hefur verið undirritaður og afstöðumynd send inn ásamt nýjum aðaluppdrætti.

Þorkell Árnason sækir um byggingarleyfi fyrir ýmsum endurbótum á húsi sínu að Grundarbraut 10. Gluggar verða endurnýjaðir og þeim breytt sem næst því sem talið að þeir hafi verið í upphafi. Gerður verður pallur við vestlæga hlið hússins og gerður útgangur úr stofu, þar sem áður var stór gluggi. Húsið verður klætt að utan með alosink báru, samskonar og er á húsinu í dag. Frágangur vindskeiða verður sem líkastur því sem er í dag. Ný hurð verður sett í kjallara en í kjallara er eingöngu tæknirými.

Lögð er fram fyrirspurn frá landeigendum Ytri-Garða sem hyggja að gerð merkjalýsinga sem er undanfari uppbyggingar innan jarðarinnar. Í erindinu var óskað eftir leiðbeiningum frá tæknideild.

Jón Bjarki Jónatansson sækir um leyfi fyrir saunahúsi á pallinum við hús sitt að Naustabúð 11.

Heimir Berg Vilhjálmsson markaðs- og upplýsingafulltrúi sækir fyrir hönd menningarnefndar Snæfellsbæjar um leyfi fyrir uppsetningu á útiljósmyndasýningu við Sáið/hafnarsvæðið í Ólafsvík.



Fyrirhugað er að setja upp 10 - 12 mynda sýninguna í júní næstkomandi og láta hana standa í sex mánuði.



Ljósmyndir verða prentaðar á 70x100 cm álplötu sem verða festar með staurum á steyptar undirstöður frá Steypustöðinni í Rifi. Undirstöðurnar eru 120x60 cm að stærð og munu standa á grasinu. Engin jarðvinna felst í uppsetningu sýningarinnar.



Tilgangur sýningarinnar er að vekja athygli gesta á aðalburðarstoð atvinnulífs í sveitarfélaginu og skapa vettvang til að njóta ljósmynda og listasýningar undir berum himni í grennd við höfnina í Ólafsvík.

- Fyrirkomulag leyfa fyrir matarvagna vegna sólmyrkva þann 12. ágúst næstkomandi.

Nefndin leggur til að matarvagnar þennan dag verði tilkynningarskyldir og að innheimt verði sanngjarnt gjald í samræmi við umfang umsýslu.



- Óleyfisframkvæmdir á Selhóli, Böðvarshölti og Ólafsbraut 19 ræddar.