Opinn íbúafundur vegna vinnu við fjárhagsáætlun Snæfellsbæjar 2027

Bæjarstjórn Snæfellsbæjar boðar til opins íbúafundar í Félagsheimilinu Klifi þriðjudaginn 17. nóvember.

Tilgangur fundarins er að eiga samtal við íbúa vegna fjárhagsáætlunar Snæfellsbæjar 2027 og kynna það helsta sem liggur fyrir í framkvæmdum á vegum sveitarfélagsins. Er það vilji bæjarstjórnar að gefa íbúum tækifæri til að koma ábendingum og skoðunum á framfæri.

Það verður heitt á könnunni og eru eru íbúar hvattir til að mæta og taka þátt í uppbyggilegu samtali um fjárhagsáætlun næsta árs.

Íbúafundur verður sem hér segir:

Tímasetning: Þriðjudagur 17. nóvember 2026 kl. 20:00.

Fundurinn er opinn öllum og verður kaffi og konfekt í boði.