Umhverfis- og skipulagsnefnd

Kári Viðarsson sækir um að fá lóðina Krossavík (L239583) úthlutaða til þess að reisa þar Krossavíkurböð sem stamastendur af móttökuhúsi, skiptiklefum, 3 saunum, slökunarrými og 3 heitum pottum. Áætluð stærð er 500 fm.

Kári Viðarsson sækir um að fá lóðina að Krossavík 1 úthlutaða og setja þar niður um 1500 fm bílastæði.

Marís Gústaf Marísson sækir um lóð að Skólabraut 9, Hellissandi og áætlar að byggja þar 80 fm einbýlishús úr timbri á tveimur hæðum.

Steinþór Aspelund sækir fyrir hönd InstaVolt Iceland ehf. um úthlutun lóðar/lóðarrýmis til að koma fyrir tveimur hraðhleðslustöðvum fyrir rafbíla. Fyrirhugað er að setja upp 2-4x 160 kW hraðhleðslustöðvar annars vegar á Hellissandi og hins vegar á Ólafsvík.

Sveinn Arnar Knútsson sækir um lóð að Grundarslóð 8, Arnarstapa. Áætlað er að byggja þar 120 fm parhús. Einnig er óskað eftir því að byggingarreitnum verði snúið um 90 gráður.

Steingerður Jóhannsdóttir sækir um leyfi til þess að stækka lóðina Hellisbraut 1a þannig að hún nái yfir allt portið suðvestan við húsið.

Eggert Bjarnason sendir inn fyrirspurn vegna skipulagsmála. Eggert hefur áhuga á því að sækja um úthlutuna á 5-6 lóðum undir sumarhús á frístundareitnum F-1 á Hellissandi og spyr því hvort sveitarfélagið sjái fram á að fara í deiliskipulagsvinnu á umræddum reit. Fyrirhuguð hús eru samskonar hús og eru við Móa, Akranesi.

Hildigunnur Haraldsdóttir, f.h. eigenda Bjarnarfoss, óskar eftir heimild til að fá Adam Hoffritz til að skrá leiðrétt landamerki fyrir Bjarnarfoss og Bjarnarfoss II sem 7.5 ha, en það land er aðeins 7.2 ha. Landeigandi Bjarnarfosskots hefur samþykkt að land Bjarnarfoss, sem er skráð um 3 ha stækki í 3.42 ha til að heildarstærð verði yfir 10.5 ha.

Kynntar eru umsagnir sem bárust á kynningartíma vinnslutillögu sem kynnt var frá 25. júlí - 15. september 2025. Alls bárust 4 umsagnir.

Hildigunnur Haraldsdóttir sendir inn fyrirspurn fyrir hönd Mitra Maria Hedman.



Mitra Hedman og samstarfsaðilar hafa áhuga á að kaupa land Brekkubæjar og þegar deiliskipulagðar lóðir við Kjarvalströð. Það hafa þau hug á að byggja sjálfbær hús, en hún hefur mikla reynslu á því sviði. Fyrirspurn inniheldur spurningar til umhverfis- og skipulagsnefndar Snæfellsbæjar.



Vegna hugsanlegra kaupa á landi Brekkubæjar er óskað eftir afstöðu skipulagsyfirvalda vegna nokkurra atriða. Í fyrsta áfanga er fyrirhugað að reisa hús á þeim 8 lóðum sem þegar hafa verið deilikipulagðar. Í kjölfarið verður unnið að deilskipulagi fyrir lítið hótel suðaustan Kjarvalstraðar og síðar nýrra svæða handan Hellnavegar. Áframhaldandi deiliskipulagsgerð verður í samræmi við stefnumörkun aðalskipulags Snæfellsbæjar. Lítil svæði verða tekin fyrir og þróun mun verða í

samræmi við eftirspurn og þörf.



1. Er einhver verndun á svæðinu eða nærri fyrirhuguðu byggingarsvæði, t.d. vegna arfleifðar, menningar eða andlegs gildis.



2. Liggur fornleifaskráning fyrir eða sögulegar heimildir sem ég ætti að skoða áður en ég vinn að skipulagi nýrra reita?



Skipulag:

1. Hverjar eru umhverfis- og sjálfbærnikröfur (orkunotkun, efni, aðlögun að landslagi)?



2. Er þörf á mati á sjónrænum áhrifum þar sem byggð getur haft áhrif á útsýni eða ásýnd á helga staði og kennileiti?



Umhverfi- og samfélag:

1. Þarf að gera umhverfismat (EIA) fyrir svæðið?



2. Eru til staðar vernduð vistkerfi, vatnaleiðir eða tegundir plantna eða dýra sem þarf að taka tillit

til?



3. Eru til staðar almenningsstígar, vegaréttindi eða samkomustaðir sem verður að varðveita?



Samstarf og tækifæri:

1. Gera bæjaryfirvöd ráð fyrir samstarfi opinberra aðila og einkaaðila í verkefni á þessu svæði

verkefni?



2. Munu bæjaryfirvöld styðja nýstárlegar sjálfbærar byggingaraðferðir með hliðsjón af stefnu EarthCheck?



3. Eru fjármögnun, styrkir eða hvatar í boði fyrir sjálfbær verkefni eða verkefni sem tengjast

menningararfi?



4. Geta bæjaryfirvöld kynnt menningar- eða andlega hagsmunaaðila á staðnum sem ég ætti að fá til að taka þátt snemma í hönnuninni?

Auglýst var nýtt deiliskipulag er nær til lóðarinnar við Amtmannshúsið. Í tillögunni er skilgreindur byggingarreitur og gert ráð fyrr vellíðunarhúsi á lóðinni. Tillagan var kynnt umhverfis- og skipulagsnefnd á fundi ráðsins þann 16. júní ´25 og var auglýst frá 25.06. til og með 6.08.2025. Alls bárust fimm umsagnir vegna deiliskipulagstillögunnar.



Lagðar eru fram þær umsagnir sem bárust á tíma auglýsingar og samantekt tæknideildar á athugasemdum vegna deiliskipulagstillögunnar.

Á fundi 194 þann 18. ágúst 2025 var erindi frá Hafþóri Svanssyni tekið fyrir og óskaði umhverfis- og skipulagsnefnd þá eftir frekari gögnum. Hér með er lögð fram tillaga að stækkun lóðar undir íbúðarhús á Hellu.

Erindið kom til umræðu á síðasta fundi umhverfis- og skipulagsnefndar þar sem óskað var eftir frekari gögnum. Áframhaldandi umræða varðandi málið miðað við deiliskipulag í gildi.

Guðmundur Víðisson hönnuður sækir fyrir hönd Elínar G. Gunnlaugsdóttur um byggingarleyfi fyrir 67,4 fm íbúðar-og gistihúsi á Akrajörð. Húsið mun standa á ræktuðum túnfleti nálægt sandfjöru sem nefnd er Garðasandur.

Haukur Ásgeirsson hönnuður sækir fyrir hönd Hótel Arnarstapa ehf um byggingarleyfi fyrir 92,7 fm viðbyggingu við þjónustumiðstöðina að Bárðarslóð 1. Um að ræða stækkun veitingasals.

Vigfús Bjarnason sækir um leyfi fyrir 20 fm palli á suðurverönd. Pallurinn verður í sömu hæð og núverandi pallur og mun ná að lóðarmörkum í suður. Samþykki meðeigenda hússins liggur fyrir.

Jaroslaw Kuznik sækir um byggingarleyfi fyrir því að klæða hús sitt að Háarifi 47 með bárujárni.

Ævar Þór Sveinsson sækir um byggingarleyfi fyrir nýrri svalahurð á vesturhlið hússins og varmadælu á norðurhlið hússins. Einnig er sótt um að síkka þvottahúsglugga (fyrir miðju) á norðurhlið hússins í samræmi við síðan glugga á sömu hlið.

Sigurður Jónsson óskar eftir heimild til að færa fyrirhugaða byggingu um 3,5 metra innan lóðar miðað við áður útgefið lóðarblað. Gólfhæð byggingar verður sú sama og í núverandi íbúðarhúsi. Einnig er óskað eftir heimild til þess að nýta bygginguna sem gestahús, í stað bílgeymslu.

Haukur Ásgeirsson sækir fyrir hönd Hótel Arnarstapa um stöðuleyfi fyrir tveimur 40 ft gámum úr stáli við bakhlið þjónustuhússins að Bárðarslóð 1. Stöðuleyfið er hugsað til tímabundinnar geymslu á húsmunum og vegna starfsmannaaðstöðu þeirra sem koma að stækkuninni á þjónustubyggingunni.

Þorgrímur Guðmundsson sækir fyrir hönd Lukkutanga ehf um stöðuleyfi fyrir þurrsalerni við selafjöruna Ytru-Tungu í 12 mánuði.

Til umræðu er staða lóðarleigusamninga við Bankastræti miðað við gildandi deiliskipulag.

Staða á fjölda smáhýsa á Hellissandi kynnt en eins og staðan var í ágúst 2025 standa þar 41 smáhýsi. Fjöldi smáhýsa á Rifi og í Ólafsvík verður skoðaður á næstu vikum.

- Tillaga að fundarplani umhverfis- og skipulagsnefndar fyrir veturinn 2025-2026 tekin fyrir