Umhverfis- og skipulagsnefnd
Dagskrá
1.Endurnýjun lóðarleigusamninga á hafnarsvæði Ólafsvíkur
2509016
Lögð eru fram gögn vegna lóðarmála við Bankastræti 1 og Bankastræti 3 á hafnarsvæði Ólafsvíkur.
2.Skjaldartröð - Ósk um breytta skilgreiningu landnotkunar í aðalskipulagi
2512001
Christine Blin óskar, fyrir hönd eigenda jarðarinnar Skjaldartraðar L136307, eftir því að breyta landnotkun á jörðinni. Um er að ræða breytingu á reitum ÍÞ-1 og þeim skika þar sem voru upphaflega íbúðarhús (211-4098, 211-4099) en þar hefur verið frístundahús í allnokkur ár, ásamt hlöðu (211-4097) frá fyrri tíð. Farið er þess á leit að í skipulagi verði skilgreining landnotkunar breytt frá núverandi skilgreiningu yfir í íbúðarsvæði. Sjá nánar á meðfylgjandi korti.
Umhverfis- og skipulagsnefnd kynnt erindið og felur tæknideild að hefja samtal við landeiganda vegna óska um aðalskipulagsbreytingar.
3.Bárðarslóð 1 - Breyting á deiliskipulagi
2511010
Kjartan Sigurbjartsson hönnuður sækir fyrir hönd Hótel Arnarstapa um breytingu á deiliskipulagi fyrir Bárðarslóð 1 á Arnarstapa samkvæmt meðfylgjandi uppdrættir. Breytingin felur í sér stækkun á byggingarreit til suðurs og aukningu á heimiliðu byggingarmagni þjónustuhúss.
Umhverfis- og skipulagsnefnd samþykkir erindið með fyrirvara um leiðréttan uppdrátt þar sem vitnað er í skipulagslög. Nefndin samþykkir að deiliskipulagsbreytingin verði auglýst samkvæmt 1.mgr. 43. gr skipulagslaga 123/2010.
4.Hellisbraut 20 - Umsókn um uppsetningu fjarskiptamasturs á vesturhlið hússins
2511008
Bjarki Guðmundsson hönnuður sendir inn umsókn fyrir hönd Íslandsturna um leyfi fyrir fjarskiptasúlu utan á vesturgafl Hellisbrautar 20. Á súlunni verða loftnet til tengingar við þráðlausan samskiptabúnað íbúa og fyrirtækja á þjónustusvæði sendastaðar (Hellissandi). Stálsúlan mun ná um 4 m upp fyrir mænisás húss en hún mun verða fest á steyptan vegg við húshorn. Samþykki húseiganda liggur fyrir.
Umhverfis- og skipulagsnefnd samþykkir erindið.
5.Háarif 29 - Umsókn um stækkun á palli og breytingu á skjólveggjum
2511011
Lúðvík Ver Smárason sækir fyrir hönd Jóhanns Más Þórissonar um stækkun á útipalli við vesturhlið húss hans að Háarifi 29. Pallurinn mun ná út að norðurhlið hússins. Skjólgirðing verður hækkuð upp í 2 metra en til að milda hæð skjólveggjanna verður gler í efsta hluta þeirra. Hluti skjólgirðingarinnar mun þjóna sem aðstaða fyrir grill og það sem því fylgir. Sjá meðfylgjandi teikningu.
Umhverfis- og skipulagsnefnd samþykkir erindið og telur ekki þörf á grenndarkynningu aðliggjandi húsa þar sem skjólveggurinn hefur ekki áhrif á aðliggjandi hús og umferðaröryggi.
6.Kálfárvellir L136220 - Umsókn um endurnýju byggingarleyfis fyrir vélageymslu
2512012
Guðmundur Grétar Bjarnason sækir um endurnýjun byggingarleyfis fyrir vélarskemmu á Kálfárvöllum. Áður hafði verið búið að steypa sökkla og botnplötu og er ætlunin að klára bygginguna sem er um 12x20 að stærð.
Umhverfis- og skipulagsnefnd samþykkir erindið með fyrirvara um uppfyllt skilyrði byggingarreglugerðar.
7.Ennisbraut 11 - Umsókn um leyfi fyrir varmadælu við sundlaug
2512013
Matthías Páll Gunnarsson sækir fyrir hönd Snæfellsbæjar um leyfi fyrir uppsetningu varmadælu við sundlaugina í Ólafsvík að Ennisbraut 11. Varmadælan er 2x1 m að stærð að grunnfleti og 1.8 m að hæð. Varmadælan verður staðsett 2 metrum frá húsvegg við inngang inn í kjallara á norðurhlið hússins.
Umhverfis- og skipulagsnefnd samþykkir erindið.
8.Míla - Ljósleiðari í Ólafsvík sumarið 2026
2511009
Grétar Ómarsson sækir fyrir hönd Mílu um framkvæmdarleyfi fyrir lokaáfanga í ljósleiðaravæðingu í Ólafsvík sumarið 2026. Áætlaður verktími eru 20-30 vinnudagar og er gert ráð fyrir því að hefja framkvæmdir um miðjan júlí 2026.
Umhverfis- og skipulagsnefnd samþykkir erindið.
9.Skólabraut 9 - Fyrirspurn um byggingarreit og útlit húss
2505078
Marís Gústaf Marísson sendir inn fyrirspurn varðandi byggingarreit og veltir fyrir sér sömuleiðis hvort hús í svipuðum stíl og Gilbakki á Hellissandi myndi ganga fyrir lóðina.
Umhverfis- og skipulagsnefnd tekur jákvætt í að húsið verði í svipuðum byggingarstíl og Gilbakki, Hellissandi. Byggingarfulltrúa er falið að ræða við umsækjanda varðandi byggingarreit og byggingarmagn.
10.Önnur mál - Umhverfis- og skipulagsnefnd 2025
2412010
- Húsnæði sem standast ekki öryggiskröfur
Nefndin felur byggingarfulltrúa og slökkviliðsstjóra að kortleggja húsnæði sem ekki uppfylla öryggiskröfur og aðrar reglugerðir er varða búsetu og útleigu og leggi fyrir næsta fund ásamt verklagi hvernig skuli vinna ferlið áfram. Nefndin felur byggingarfulltrúa og slökkviliðsstjóra einnig að senda bréf á viðkomandi húseigendur.
- Gámur í óleyfi við Norðurtanga 1
Byggingarfulltrúa falið að ræða við eigendur.
- Ólafsbraut 58
Byggingarfulltrúa falið að hafa samband við eiganda vegna framkvæmda.
- Grundarbraut 10
Byggingarfulltrúa falið að hafa samband við eiganda vegna framkvæmda.
Nefndin felur byggingarfulltrúa og slökkviliðsstjóra að kortleggja húsnæði sem ekki uppfylla öryggiskröfur og aðrar reglugerðir er varða búsetu og útleigu og leggi fyrir næsta fund ásamt verklagi hvernig skuli vinna ferlið áfram. Nefndin felur byggingarfulltrúa og slökkviliðsstjóra einnig að senda bréf á viðkomandi húseigendur.
- Gámur í óleyfi við Norðurtanga 1
Byggingarfulltrúa falið að ræða við eigendur.
- Ólafsbraut 58
Byggingarfulltrúa falið að hafa samband við eiganda vegna framkvæmda.
- Grundarbraut 10
Byggingarfulltrúa falið að hafa samband við eiganda vegna framkvæmda.
Fundi slitið - kl. 13:00.
Umhverfis og skipulagsnefnd felur tæknideild að útbúa drög að nýjum lóðarblöðum og lóðaleigusamningum fyrir Bankastræti 1 og 3 og leggja þau fyrir næsta fund nefndarinnar.