Fundur í öldrunarnefnd – þjónustuhópi aldraðra.

Fundarstaður: Heilsugæslustöðin Ólafsvík

Fundardagur: 05.11.2003 kl. 16:00.

Mættir: Margrét Vigfúsdóttir, Sveinbjörg Eyvindsdóttir, Gunda Beck-Nygaard og Fanný Berit Sveinbjörnsdóttir.

Margrét færir þær fréttir úr Heilbrigðis- og tryggingarmálaráðuneytinu að nú muni vistunarmöt bráðlega verða færð rafrænt og notað til þess sama kerfi og við RIA-matið sem metur færni og heilbrigði aldraðra á stofnunum. Er ekki alveg ljóst hvernig ætlast er til að þetta fari fram en eini staðurinn sem tengdur er við þetta kerfi hér í Snæfellsbæ er Dvalar- og hjúkrunarheimilið Jaðar. Fylgir því talsverður kostnaður að setja upp slíka tengingu og ekki talið skynsamlegt að koma henni á fyrir nokkur vistunarmöt á ári.  Mun Margrét kanna þetta nánar.

Þrjár umsóknir um vistunarmöt lágu fyrir fundinum og voru þær allar afgreiddar með umsókn um rými á Jaðri.

Fundi slitið kl. 17:15. Fundargerð ritaði Sveinbjörg Eyvindsdóttir.