57. fundur Atvinnumálanefndar Snæfellsbæjar haldinn í Átthagastofu Snæfellsbæjar 11.janúar 2011 kl.17:00

Mættir:

Aðalmenn: Margrét Björk Björnsdóttir,  Björg Bára Halldórsdóttir,  Þorkell Símonarson og Guðrún Lára Pálmadóttir varamaður Erlu Bjarkar.

Fundargerð ritaði: Björg Bára Halldórsdóttir.

Dagskrá:

1.      Umræður um dagforeldra. 54 börn eru í Snæfellsbæ yngri en tveggja ára. Börn eru tekin inn á leikskóla við 18 mánaða aldur. Engir dagforeldrar eru með starfsleyfi í dag í Snæfellsbæ. Vitað er um vöntun á dagforeldrum. Mikilvægt er að þessi þjónusta sé til staðar í bæjarfélaginu.

Atvinnumálanefnd leggur til að Snæfellsbær standi fyrir námskeiði fyrir dagforeldra. Með því er líklegt að í ljós komi hvort einhverjir hafi áhuga á að setja á fót slíka starfsemi.

2.      Byggðakvóti. Umræður um byggðakvóta og almennt um fiskveiðikvóta. Atvinnumálanefnd fagnar allri aukningu á fiskveiðikvóta til byggðarlagsins sem væntanlega mun þýða aukna atvinnu.

3.      Önnur mál. Þorkell velti upp hugmynd um endurkomu „Vors undir Jökli“ í einhverri mynd.  Rætt um matartengda uppákomu með menningarlegu ívafi. Margrét Björk taldi þetta ríma við verkefni sem er í vinnslu sem nefnt er „Matarkistan“ og er unnið í samstarfi SSV, Matís og fleiri. Allir sammála að halda þessari hugmynd á lofti og ræða á næstu fundum.

Margrét Björk sagði frá því að tillaga nefndarinnar um að sérstakur aðili sinnti markaðsmálum á vegum Snæfellsbæjar hefði verið samþykkt á fundi bæjarstjórnar í desember.

Fleira ekki gjört og fundi slitið kl.18:40.