27. júní 2012 09:14

Verið að bæta 3G samband á Snæfellsnesi

Starfsmenn Mílu með aðstoð kranabíls frá Þorgeiri ehf. eru í dag að vinna í mastrinu við Pósthúsið í Ólafsvík. Er verið að bæta GSM samband á svæðinu og munu sjómenn aðallega verða varir við þá breytingu en einnig mun flutningsgeta gagnamagns aukast. Verið er að setja nýjan búnað í mastrið og lækka það en fyrir var mastrið um 40 metrar en verður um það bil 30 metrar eftir breytinguna. Þessi lækkun á mastrinu mun einnig verða til þess að minna mun hvína í því í vindi.