26. júní 2012 08:26

Víkingur í þriðja sæti eftir tap gegn Leikni

Víkingur Ólafsvík tók á móti Leikni á Ólafsvíkurvelli í 1. deild karla í knattspyrnu síðastliðið föstudagskvöld, en fyrir leikinn höfðu Leiknismenn ekki unnið leik á mótinu. Víkingar voru betri framan af og áttu nokkur góð skot á markið. Hættulegasta færið kom á 37. mínútu þegar Edin Beslija skaut boltanum í stöng. Það var því gegn gangi leiksins þegar Leiknismenn skoruðu mark á lokamínútu fyrri hálfleiks.

Heimamenn byrjuðu seinni hálfleikinn af krafti og sótt hart að markinu. Gestirnir færðu sig hins vegar aftar á völlinn og vörðust vel það sem eftir lifði leiks. Markmaður Leiknis átti stórleik og kom oft í veg fyrir að Víkingar næðu að jafna en niðurstaðan var 0-1 Leikni í vil.

Víkingur Ólafsvík situr eftir leikinn í þriðja sæti með 13 stig, jafn mörg og Þór sem er í öðru sæti. Næsti leikur Víkinga verður á Ólafsvíkurvelli laugardaginn 30. júní gegn BÍ/Bolungarvík.

Frétt fengin af vefsíðu Skessuhorns.

Til baka

aftur í yfirlit