23. ágúst 2012 10:30

Kynningarfundur vegna fyrirhugaðrar breytingar á aðalskipulagi Snæfellsbæjar, jarðstrengir milli Grundarfjarðar og Ólafsvíkur.

 Fyrirhuguð er breyting á aðalskipulagi Snæfellsbæjar 1995-2015 vegna lagningar 66kV jarðstrengs og ljósleiðara Landsnets hf og 19 kV jarðstrengs á vegum RARIK milli Grundarfjarðar og Ólafsvíkur. Sá hluti lagnarinnar, sem liggur um Snæfellsbæ er um 14 km að lengd.

Lýsing og umhverfislýsing vegna fyrirhugaðrar breytingar voru kynntar á vef Snæfellsbæjar og með auglýsingu í Jökli þann 14.06.2012 og engar athugasemdir bárust. Haldinn verður kynningarfundur um tillögu breytingar aðalskipulags og umhverfisskýrslu á bæjarskrifstofu Snæfellsbæjar þann 28. ágúst 2012 kl. 12:00 – 14:00. Gert er ráð fyrir að breytingin verði síðan auglýst í samræmi við 36. grein skipulagslaga. Þeir sem vilja gera athugasemdir á þessu stigi skili athugasemdum á fundinum eða sendi netpóst til Skipulags- og byggingarfulltrúa Snæfellsbæjar á netfangið smari@snb.is fyrir 31. ágúst 2012. Sjá hér.

Skipulagsfulltrúi Snæfellsbæjar.

Til baka

aftur í yfirlit