28. júní 2012 13:25

Aflafréttir

Systurskipin tvö sem róa á línu með beitningavél, Tjaldur SH og Örvar SH, hafa verið að gera ansi góðar túra núna í júní. Tjaldur SH er t.d aflahæstur allra línubáta það sem af er júní og fékk í síðastu löndun um 90 tonn þar af var þorskur um 79 tonn. Örvar SH reyndi fyrir sér á blálöngunni en allir línubátarnir stóru frá Grindavík hafa verið á þeim
veiðum. Örvar SH var 11 daga úti þar af 10 daga á veiðum og með metafla að landi þar sem landað var úr bátnum 98 tonnum og þar af var blálanga um 86 tonn. Áætlað aflaverðmæti var um 15 milljónir króna, allur
aflinn var tekinn til verkunar af útgerðinni og þess vegna er aflaverðmætið minna heldur enn hefði aflinn verið settur á markað.

Þessi afli er mesti afli sem Örvar SH hefur komið með að landi frá því hann var keyptur til landsins aftur árið 2008. Upprunalega þá var Örvar SH smíðaður árið 1992 og kom til landsins skömmu á eftir Tjaldi SH, Örvar
SH hét þá Tjaldur II SH. Grundfirðingur SH er hættur veiðum og er því
Rifsnesið SH eftir og er hann búinn að fá um 100 tonn í tveim löndunum. Kristinn SH sem var á balalínu er hættur veiðum og lítið hefur farið fyrir 15 tonna plastbátunum sem eru að róa á línunni.

Gísli Reynisson
www.aflafrettir.com

Fréttin er fengin úr bæjarblaðinu Jökli.

Til baka

aftur í yfirlit