20. júní 2012 08:00

Grænu tunnurnar komnar

Í síðustu viku var byrjað að afhenda endurvinnslutunnur í Snæfellsbæ. Myndin var tekin þegar Kristinn Jónasson bæjarstjóri ásamt starfsmönnum Gámaþjónustunnar ehf. afhenti Lilju Stefánsdóttur fyrstu tunnuna. Bætist nú heldur betur við tunnufjöldann í Snæfellsbæ því að nú verða tvær tunnur við hvert hús í stað einnar, fyrir voru endurvinnslutunnur í kringum 70 en verða 601 þegar búið er að afhenda allar tunnurnar.

Tunnunum fylgja leiðbeiningar bæði á íslensku. ensku og pólsku, með þeim fylgir einnig kassi til söfnunar á pappír innanhúss og pokar undir rafhlöður. Með þessari viðbót verða breytingar á losun og í stað þess að sorpið sé tekið á 10 daga fresti verður það gert á 14 daga fresti og „græna tunnan“ verður tæmd einu sinni í mánuði. Með þessu hefst nýr kafli í umhverfisvernd hér hjá okkur í Snæfellsbæ og mikilvægt að koma tunnunum vel fyrir m.a. er hægt að kaupa festingar hjá Vélsmiðju Árna Jóns í Rifi og skýli fyrir tunnurnar hjá EG flís og múr.

þa

Fréttin er fengin úr Bæjarblaðinu Jökli.

Til baka

aftur í yfirlit