18. júní 2012 09:30

5x5 áskorunin

Strákarnir í Elsku Jóa sem allir æfa í Sólarsport þeir Rúnar Már, Smári, Guðni, Stebbi og Jón tóku þátt í EAS þrekmótaröðinni í keppninni um hraustustu Íslendingana eða 5x5 Áskoruninni 2012. Þeirra helstu styrktaraðilar eru Sólarsport og Nesver. Keppnin fór fram í Íþróttahúsinu á Akranesi sl. laugardag og er þetta í fyrsta sinn sem mótið er haldið þar. Keppt var í 5 mismunandi samsettum keppnisgreinum en þar gerir keppandi eins margar umferðir af æfingum og hann getur á 4 mínútum, þá fær hann eina mínútu í pásu, færir sig á næstu stöð og byrjar aftur í 4 mínútur og svo koll af kolli.

Meðal æfinga í 5x5 Áskoruninni eru armbeygjur, spretthlaup, ketilbjölluæfingar, róður, sandpokahlaup og lóðalyftingar. Þeir urðu í 10. sæti í liðakeppninni af 30 liðum. Tveir tóku þátt í einstaklingskeppni þeir Smári og Stefán, Smári varð í 8. sæti og Stefán í 4. sæti en alls voru 57 keppendur í einstaklingskeppninni. Þetta er góður árangur hjá strákunum en í fyrra varð Smári í 24 sæti og Stefán aðeins neðar. Það er greinilegt að allir þessir strákar eru í góðu formi.

Rúnar Már gerði sér svo lítið fyrir og tók þátt í þríþraut daginn eftir þar sem hann varð í 30. sæti af 64 keppendum eftir að hafa synt 750 metra, hjólað 20 km og hlaupið 5 km.

þa

Fréttin ef fengin úr Bæjarblaðinu Jökli. 

Til baka

aftur í yfirlit