15. júní 2012 08:15

Hollvinasamtök Þjóðgarðsins Snæfellsjökuls stofnuð

Þriðjudaginn 12. júní síðastliðinn var stofnfundur Hollvinasamtaka Þjóðgarðsins Snæfellsjökuls haldinn í veitingahúsinu Gilinu í Ólafsvík. Kristinn Jónasson bæjarstjóri Snæfellsbæjar var fundarstjóri. Megintilgangur samtakanna er að vera bakhjarl þjóðgarðsins og styðja við hann í hinum ýmsu málum. „Við horfum til hollvinasamtaka Vatnajökulsþjóðgarðs, vinir Vatnajökuls, þeir hafa verið að gera flotta hluti þar og við vonum að við getum gert ámóta hluti hér,“ segir Kristinn Jónasson í samtali við Skessuhorn.

Á fundinum voru samþykkt lög félagsins ásamt því að Kristín Linda Árnadóttir forstjóri Umhverfisstofnunar ávarpaði fundinn. Þórður Ólafsson framkvæmdastjóri Vatnajökulsþjóðgarðs sagði frá reynslu þjóðgarðsins af hollvinasamtökum og Sæmundur Kristjánsson í Rifi sagði frá hinstu ferð Jóhannesar Helgasonar tréskurðarmeistara á Hellnum. Í fyrstu stjórn félagsins eru: Sturla Böðvarsson formaður, Gyða Steinsdóttir bæjarstjóri Stykkishólmsbæjar, Gísli Ólafsson bæjarfulltrúi Grundarfjarðarbæjar, Guðbjartur Gunnarsson oddviti Eyja- og Miklaholtshrepps og Kristinn Jónasson bæjarstjóri Snæfellsbæjar.

Fréttin var fengin af vef Skessuhorns.

Til baka

aftur í yfirlit