10. júní 2012 08:00

Sjávarkistan opnar

Um sjómannadagshelgina, laugardaginn 1. júní  nk. opnar Sjávarkistan aftur í húsnæði Sjávarsafnsins.  Nýir rekstraraðilar sjá um Sjávarkistuna í sumar, í samstarfi við Átthagastofu Snæfellsbæjar og sjávarútvegsfyrirtæki á Snæfellsnesi, en það eru framreiðslumennirnir Einar Magnús Gunnlaugsson, kenndur við Hobbitann og Sigurður Ingi Guðmarsson.  Ýmiskonar fiskréttir verða á boðstólnum í sumar, t.d. grillpinnar, marineraðar sjávarafurðir, fiskirúllur o.m.fl.  Allt ferskt og flott!

Einar Magnús stundaði nám sitt á veitingastaðnum Lækjarbrekku, þar sem hann varð veitingastjóri stuttu eftir að námi lauk. Hefur hann unnið m.a. sem yfirþjónn á Kaffi Iðnó í Keflavík og hefur rekið Hobbitan frá nóvember 2006.

Sigurður Ingi lærði í Grillinu á Hótel Sögu. Eftir að námi hans lauk hefur hann unnið m.a. á La vita é Bella á Akureri, þar sem hann var yfirþjónn, á Hótel Loftleiðum, Lækjarbrekku og síðast á La Primavera.

Fyrir utan að hafa unnið saman á Lækjarbrekku, tóku þeir að sér veislur að ýmsu tagi og eru því ansi vanir að starfa saman.

Sjávarkistan verður opin alla daga frá kl. 14-20 frá júní – ágúst.

Frétt fengin úr Bæjarblaðinu Jökli. 

Til baka

aftur í yfirlit