16. maí 2012 11:46

Farfuglum fjölgar jafnt og þétt

Farfuglarnir hafa verið að hópast til landsins undanfarnar vikur og fjölgar þeim jafnt og þétt á Snæfellsnesi. Ljósmyndari blaðsins var að njóta veðurblíðunnar inn við Hvalsá í Ólafsvík um síðustu helgi og gekk þá fram á fjölda fugla við tjörnina.

Á myndinni má sjá fimm fuglategundir, fremst er stelkur, þá stokkandarpar, vinstra megin á hólmanum er sílamáfur, hægra megin er hettumáfur og í fjarlægð má greina tjald sem er að spóka sig í vatnsborðinu. Auk þessara fugla voru lóur á vappi í nágrenni tjarnarinnar og skömmu áður sáust þarna duggendur og álftir. Rétt er að taka fram að ekki sáust neinir plastfuglar og vonandi verður þeim ekki komið fyrir þetta árið þar sem að þeir virðast frekar fæla fugla frá.

Frétt fengin úr bæjarblaðinu Jökli. 

Til baka

aftur í yfirlit