23. maí 2013 12:35

Vatnslaust

Lokað verður fyrir vatn á Hellissandi og Rifi í dag, fimmtudaginn 23. maí, frá kl. 19.00 og eitthvað fram eftir kvöldi.

Vatnsveita Snæfellsbæjar

meira...

22. maí 2013 09:04

Allir á sjó

Mynd tekin af marinetraffic.com, miðvikudaginn 22/5 2013, kl. 09:05

meira...

17. maí 2013 11:55

Íslenskar ofurkonur í Átthagastofunni

meira...

13. maí 2013 09:20

Skilti um Jóhann Jónsson skáld

Starfsfólk Átthagastofu hefur í vetur unnið að gerð nokkurra upplýsingaskilta sem fyrirhugað er að koma fyrir hér og þar um bæinn.

Nú er Áhaldahús Snæfellsbæjar búið að setja upp fyrsta skiltið við Ólafsbrautina, gengt Aprótekinu og Blómaverk. Það skilti er um Jóhann Jónsson, skáld, sem fæddist árið 1896 að Staðastað í Staðasveit, en flutti ungur til Ólafsvíkur þar sem hann ólst upp.

meira...

10. maí 2013 07:00

Vinnuskóli Snæfellsbæjar

Vinnuskóli Snæfellsbæjar verður starfræktur sumarið 2013 frá 3. júní til 28. júní fyrir 8. bekk, alls 4 vikur og 3. júní til 12. júlí fyrir 9. og 10. bekk, alls 6 vikur.

Sjá auglýsinguna í heild sinni

Umsóknareyðublað

meira...

8. maí 2013 10:20

Atvinna í boði fyrir námsmenn 2013

Snæfellsbær hefur eftirfarandi störf laus til umsóknar fyrir námsmenn, 18 ára og eldri sumarið 2013. Störfin eru í tengslum við tímabundið átaksverkefni Vinnumálastofnunar. Ráðningartími er 2 mánuðir.

Lesa auglýsingu

meira...

8. maí 2013 09:04

Gengið á Ennið 9. maí

Saman klífum við brattann - gengið á bæjarfjöll 2013-2014

Þorsteinn Jakobsson, fjallagarpur með meiru, hefur undanfarið unnið að tindaverkefni sem felst í því að klífa bæjarfjöll á Íslandi. Þorsteinn hefur ákveðið að ljúka verkefninu í samstarfi við Styrktarfélag krabbameinssjúkra barna á næstu 12 mánuðum og láta áheit í tengslum við göngurnar renna til SKB. Samstarfsverkefnið hefur hlotið nafnið Saman klífum brattann en baráttu krabbameinsveikra barna má oft og tíðum líkja við fjallgöngu sem stundum er erfið vegna bratta og klungurs en svo koma tímar og svæði inn á milli sem ekki eru jafnerfið yfirferðar.

Samstarfið hófst formlega með göngu á bæjarfjall Hafnfirðinga, Helgafellið, laugardaginn 6. apríl. Síðan var gengið á Keili, Úlfarsfell, Akrafjall og Reynisfjall. Fimmtudaginn 9. maí er röðin komin að Enninu og Drápuhlíðarfjalli síðar sama dag. Gangan hefst við íþróttahúsið kl. 10.00. Gangan tekur um tvær klukkustundir og er öllum heimil þátttaka án greiðslu þátttökugjalds en þátttakendum sem og öðrum bent á að hægt er að styðja verkefnið með frjálsum framlögum inn á reikning SKB. Upplýsingar um hann eru á heimasíðu SKB, www.skb.is og Facebook-síðu félagsins.

Meðfram þessum göngum er Þorsteinn að vinna að bók um fjöll og fjallgöngur sem kemur út á næsta ári og renna höfundarlaun hans til SKB.

Þorsteinn hefur síðustu ár helgað sig stuðningi við Ljósið, endurhæfingar- og stuðningsmiðstöð fyrir fólk sem hefur fengið krabbamein og aðstandendur þeirra, m.a. með svokölluðum ljósafossgöngum niður Esjuna 2010, 2011 og 2012. Árið 2009 sló hann Íslandsmet þegar hann gekk sjö sinnum upp og niður Esjuna. Árið 2010 gekk hann á tíu tinda á tólf tímum og toppaði 365 fjöll á árinu.

meira...

6. maí 2013 09:32

Tap í fyrsta leik

Mynd: Alfons
Víkingur tapaði naumlega fyrir Fram í fyrstu umferð Pepsideildarinnar í ár.

Framarar byrjuðu leikinn mun betur og komust snemma yfir með marki Almars Ormarssonar. Heimamenn komust betur inn í leikinn þegar leið á fyrri hálfleik en Bjarni Hólm Aðalsteinsson jók muninn í 2:0 á 36. mínútu eftir hornspyrnu. Steinar Már Ragnarsson minnkaði muninn í kjölfarið fyrir Víkinga og staðan því 2:1 í hálfleik.

Heimamönnum gekk ekkert að jafna metin í seinni hálfleiknum, sköpuðu sér vart færi og urðu að sætta sig við tap. Framarar hefðu getað bætt við marki, sérstaklega þegar Steven Lennon slapp aleinn í gegnum vörn Víkinga, en þeir fengu litlu fleiri færi.

meira...