Ertu ánægð/ur með úrslit kosninganna?

Já

Nei

Bæði og

6. mars 2003 10:40

Á döfinni í Grunnskólanum á Hellissandi

úr Jökli 6. mars 2003

Fimmtudaginn 6. mars lýkur opnum dögum hjá okkur. Dagarnir bera að þessu sinni yfirskriftina ,,Milli himins og jarðar".

Nemendur bjóða foreldrum og öðrum áhugasömum gestum að koma milli kl. 17:00 - 18:00 og skoða afrakstur vinnunnar. Aðgangseyrir fyrir gesti er 500 kr, kaffi og meðlæti innifalið. Allur ágóði rennur í ferðasjóð nemenda.

Þriðjudaginn 11. mars kl. 20:30 kynna starfsmenn skólans Olweusarkerfið gegn einelti fyrir foreldrum. Eins og fram kom í síðasta tölublaði fréttablaðs skólans, Tengli, þá gengur Olweusarkerfið út á það að skapa samfélag þar sem einelti þrífst ekki. Til þess að svo geti orðið verðum við öll, foreldrar og starfsmenn skólans, að vinna saman og bregðast eins við þegar við verðum vör við þessa óæskilegu hegðun. Það er mjög mikilvægt að allir foreldrar mæti bæði feður og mæður. Farið verður yfir:

* skilgreininguna á einelti sem gengið er út frá

* helstu niðurstöður eineltiskönnunarinnar sem gerð var í byrjun desember

* eineltishringinn

* og ýmislegt fleira sem viðkemur þessu viðfangsefni

Með aukinni fræðslu og einarðari afstöðu gegn einelti aukast líkurnar á að við getum losað bæði vinnustað barnanna okkar og okkar eigin vinnustaði við einelti sem er ofbeldi sem aldrei á að líða. Heitt verður á könnunni og kaffihlaðborð í boði starfsmanna.

Nemendur og starfsmenn

Til baka

aftur í yfirlit