Næsti leikur á móti ÍR, fimmtudaginn 5. júlí kl 20:00
Víkingar eiga útileik núna fimmtudaginn 5. júlí á móti ÍR í Breiðholtinu. Leikurinn hefst stundvíslega klukkan 20:00. Gaman væri að sjá sem flesta mæta á völlinn og styðja strákana. Að fara á útileik hjá Víking Ó á Reykjavíkursvæðinu er skemmtileg upplifun, þar getur maður hitt gamla vini og kunningja, bæði brottflutta og fólk sem leggur á sig ferðalag að vestan. Fyrsta helgin í júlí hefur fest sig í sessi sem ein mesta ferðahelgin hér á Íslandi, það er tilvalið að byrja ferðalagið með því að skella sér á völlinn og styðja við bakið á Víkingsstrákunum.