Ertu ánægð/ur með úrslit kosninganna?

Já

Nei

Bæði og

3. júlí 2012 08:32

Gamlar sjómannadagsauglýsingar á Sjávarsafninu í Ólafsvík

Niður á Sjávarsafni í Ólafsvík eru til sýnis auglýsingar frá löngu liðnum sjómannadögum í Ólafsvík. Eru þær frá árunum 1967 til ársins 1971. Þær eru allar handskrifaðar og einnig
eru teikningar á þeim. Margir segja að þær séu listaverk en því miður er ekki vitað um þá listamenn sem þau gerðu. Þó sjást upphafstafirnir GL á einu þeirra. Þessar auglýsingar hafa verið geymdar hjá Sjómannadagsráði Ólafsvíkur allan þennan tíma eða í 45 ár.

 Í vor var ákveðið að setja þær á sérstakar plötur sem síðan var sett yfir filma og munu þær geymast enn betur þannig. Þessar auglýsingar innihalda liðinn tíðaranda en ma eru á þeim nöfn ræðumanna sjómannadagsins og þeirra hljómsveita sem spiluðu á sjómannadagsböllunum. Ég vil hvetja bæjarbúa til að skoða þessi listaverk og kanske kemur einhver með nöfn þeirra listamanna sem þau gerðu. Ég vil svo að lokum vekja athygli allra á þeirri frábæru starfsemi sem fram fer í Sjávarkistunni en þar er boðið upp á það besta fiskmeti úr Breiðafirðinum sem völ er á. Allt afar vel handerað og vel til haft af starfsmönnum Sjávarkistunnar. Svo að lokum vil ég þakka aðstandendum Sjávarsafnins í Ólafsvík fyrir það
góða starf sem þar hefur verið unnið á liðnum árum.

Fréttin er fengin úr bæjarblaðinu Jökli.

Til baka

aftur í yfirlit